ਉਦੇਸ਼, ਟੀਚੇ ਅਤੇ ਕਾਰਜਖੇਤਰ

ਪੰਜਾਬ ਰਾਜ ਦੀ ਰਾਜ ਭਾਸ਼ਾ ਪੰਜਾਬੀ ਨੂੰ ਪ੍ਰਫੁੱਲਤ ਕਰਨਾ, ਰਾਜ ਭਾਸ਼ਾ ਐਕਟ ਨੂੰ ਹਰ ਪੱਧਰ ਤੇ ਖਾਸ ਕਰਕੇ ਦਫਤਰਾਂ ਅਤੇ ਕਚਹਿਰੀਆਂ ਵਿੱਚ ਲਾਗੂ ਕਰਵਾਉਣਾ ਅਤੇ ਇਸ ਲਈ ਸਕੀਮਾਂ ਬਣਾਉਣਾ ਇਸਦਾ ਉਦੇਸ਼ ਹੈ। ਪੰਜਾਬੀ ਭਾਸ਼ਾ ਨੂੰ ਸਿੱਖਿਆ, ਸਰਕਾਰ, ਰੁਜਗਾਰ ਅਤੇ ਪਰਿਵਾਰ ਦੀ ਭਾਸ਼ਾ ਬਨਾਉਣ ਲਈ ਹਰ ਪੱਧਰ ਦੇ ਯਤਨ ਕਰਨੇ, ਉਸ ਲਈ ਨੀਤੀਆਂ ਬਨਾਉਣੀਆਂ ਸਰਕਾਰ ਨੂੰ ਸਲਾਹ ਦੇਣੀ ਤੇ ਬਣੀਆਂ ਨੀਤੀਆਂ ਅਤੇ ਕਾਨੂੰਨ ਲਾਗੂ ਕਰਨੇ, ਪੰਜਾਬੀ ਭਾਸ਼ਾ ਦੇ ਵਿਕਾਸ ਲਈ ਨਵੀਆਂ ਸਕੀਮਾਂ ਬਣਾਉਣਾ ਅਤੇ ਲਾਗੂ ਕਰਨਾ ਇਸਦਾ ਕਾਰਜਖੇਤਰ ਹੈ। ਸਮਕਾਲੀ ਅਹਿਮ ਜਰੂਰਤ ਦੇ ਮੱਦੇਨਜ਼ਰ ਨਵੀਂ ਤਕਨਾਲੋਜੀ ਖਾਸ ਕਰਕੇ ਮਸ਼ੀਨੀ ਬੁੱਧੀ ਮਾਨਤਾ (ਆਰਟੀਫਿਸ਼ਅਲ ਇੰਟੈਲੀਜੈਂਸ) ਦੇ ਲਈ ਪੰਜਾਬੀ ਭਾਸ਼ਾ ਨੂੰ ਤਿਆਰ ਕਰਨਾ, ਖਾਸ ਕਰਕੇ ਇਸ ਦੇ ਸ਼ਬਦ ਭੰਡਾਰ (ਡਾਟਾ ਬੇਸ) ਨੂੰ ਸਿਰਜਣ ਵਿੱਚ ਯੋਗਦਾਨ ਪਾਉਣਾ ਸਮੇਂ ਦੀ ਲੋੜ ਹੈ। ਇਸ ਲਈ ਭਾਸ਼ਾ ਵਿਭਾਗ ਦੀਆਂ ਚੱਲ ਰਹੀਆਂ ਸਕੀਮਾਂ ਦਾ ਮੁਲਾਂਕਣ ਕਰਕੇ ਨਵੇਂ ਸਿਰਿਉਂ ਵਿਉਂਤੀਆਂ ਜਾਣਗੀਆਂ ਅਤੇ ਨਵੀਆਂ ਲੋੜਾਂ ਅਨੁਸਾਰ ਨਵੀਆਂ ਸਕੀਮਾਂ ਸ਼ੁਰੂ ਕਰਨ ਦੀ ਦਿਸ਼ਾ ਵਿਚ ਵਿਭਾਗ ਅੱਗੇ ਵਧੇਗਾ ਅਤੇ ਮਾਤ ਭਾਸ਼ਾ ਪੰਜਾਬੀ ਅਜੋਕੇ ਤਕਨੀਕੀ ਯੁੱਗ ਦੀ ਹਾਣੀ ਬਣ ਸਕੇਗੀ।