ਹੱਥ ਲਿਖਤ ਨੰਬਰ 244

ਪਦਮ ਪੁਰਾਣ ਤੇ ਸ੍ਰੀ ਰਾਮ ਭਾਗਵਤ ਮਹਾ ਪੁਰਾਣ
ਪੱਤਰੇ: 560
ਸਮਾਂ : ਲਗਭਗ 200 ਸਾਲ ਪੁਰਾਣਾ
ਇਸ ਗ੍ਰੰਥ ਦੇ ਅੰਤਲੇ ਪਤਰੇ ਪਾਣੀ ਲਗਣ ਕਾਰਨ ਗਲੇ ਹੋਏ ਹਨ ਤੇ ਪੜ੍ਹਨੇ ਕਠਿਨ ਹਨ। ਇਸ ਲਈ ਇਹ ਪੁਸਤਕ ਅਧੂਰੀ ਹੈ।
(ੳ) ਪਦਮ ਪੁਰਾਣ
ਆਦਿ : ੴ ਨੇਮੋ ਭਗਵਤੇ ਵਾਸੁਦੇਵਾਯ। ਸ੍ਰੀ ਕ੍ਰਿਸ਼ਨਯ
ਸਰਣ ਮਧਾ॥ ਦੋਹਰਾ॥ ਵਿਦਪਨ ਹਰਣ
ਮੰਗਲ ਕਰਣ ਖੇਮ ਕੁਸਲ ਪਰਸਾਦ॥ (ਪਤਰਾ 1)
ਅੰਤ : ਸੋ ਗਹਯਕ ਗਲਾ (ਪਤਰੇ ਗੁੰਮ ਹਨ) ( ਪਤਰਾ 560)
(ਅ) ਸ੍ਰੀ ਮਤ ਭਾਗਵਤ ਮਹਾਪੁਰਾਣ (ਅਧੂਰਾ)
ਲੇਖਕ : ਰਿਖੀ ਵੇਦ ਵਿਆਸ
ਅਨੁਵਾਦ : ਕਵੀ ਨਾਨਕ ਦਾਸ
ਵੇਰਵਾ : ਪਤਰੇ 559 ਪ੍ਰਤੀ ਪੰਨਾ 21 ਪੰਤਰੀਆਂ, ਲਿਖਤ ਸਾਫ ਤੇ ਸੁਧ: ਹਾਸ਼ੀਆ ਰੰਗੀਨ ਲਕੀਰਾਂ ਵਾਲਾ। ਅੰਤ ਵਿਚ 12ਵੇਂ ਸਕੰਧ ਦੇ ਪਤਰੇ 522 ਤੋਂ 559 ਤੱਕ ਸਿਰੇ ਤੋਂ ਫਟੇ ਹੋਏ ਤੇ ਪਾਣੀ ਨਾਲ ਭਿਜਣ ਕਾਰਣ ਖਰਾਬ ਹੋਏ ਹੋਏ ਹਨ ਜਿਸ ਕਾਰਨ ਕਈ ਥਾਈਂ ਪਾਠ ਪੜ੍ਹ ਨਹੀਂ ਹੁੰਦਾ।
ਸਮਾਂ : ਸੰਮਤ 1841 ਬਿ. ਨਕਲ ਲਗਭਗ 1888 ਬਿ.।
ਲਿਖਾਰੀ : ਨਾਮਲੂਮ
ਆਰੰਭ : ੴ ਨੇਮੇਂ ਭਗਵਤੇ ਵਾਸਦੇਵਯ ਸ੍ਰੀ ਕ੍ਰਿਸ਼ਨਾਯ ਸਰਣ ਮਮ
ਵਿਘਨ ਹਰਣ ਮੰਗਲ ਕਰਣ ਧੇਮ ਕੁਸਲ ਪਰਮਾਨੰਦ॥
ਅੰਤ : ਪਤਰੇ ਖਰਾਬ ਤੇ ਫਟੇ ਹੋਣ ਕਾਰਨ ਅੰਤਲਾ ਪਾਠ ਨਹੀਂ ਮਿਲਦਾ
ਇਸ ਪੁਸਤਕ ਦਾ ਲੇਖਕ ਕਵੀ ਨਾਨਕ ਦਾਸ ਜਾਤ ਦਾ ਖੱਤਰੀ ਸੀ, ਜੋ ਬ੍ਰਾਹਮਣਾਂ ਤੇ ਸਾਧੂਆਂ ਦਾ ਸ਼ਰਧਾਲੂ ਸੀ। ਉਹ ਇਸ ਸੰਬੰਧ ਵਿਚ ਇਸ ਪੁਸਤਕ ਦੇ ਮੁੱਢ ਵਿਚ ਹੀ ਲਿਖਦਾ ਹੈ-
ਬ੍ਰਾਹਮਣ ਕੁਲ ਹਰਿ ਸੰਤਨ ਚੇਰੋ। ਨਾਨਕ ਦਾਸ ਨਾਮ ਹੈ ਮੇਰੋ।
ਖਤਰੀ ਜਾਤ ਹਠੀ ਅਗਯਾਨੀ। ਵਿਖਈ ਗਿਰਹੀ ਗਰਬਤਾ ਮਾਨੀ॥ ੧੦॥ (ਪੱਤਰਾ ੧ 'ਓ')
ਇਹ ਪੁਸਤਕ ਅਜੇ ਤਕ ਕਿਤੇ ਛਪੀ ਨਹੀਂ, ਜਿਸ ਕਰ ਕੇ ਦੁਰਲੱਭ ਹੈ।