ਹੱਥ ਲਿਖਤ ਨੰਬਰ 183

ਸਿੰਘਾਂ ਦੀ ਵਾਰ ਤੇ ਸ੍ਰੀ ਭਾਗਵਤ ਦਸਮ ਸਕੰਧ।
ਵੇਰਵਾ : ਪੱਤਰੇ ੯; ਪ੍ਰਤੀ ਸਫ਼ਾ ੧੨-੧੪ ਕਾਗ਼ਜ਼ ਦੇਸੀ; ਲਿਖਤ ਸਾਫ਼ ਤੇ ਬੁੱਧ; ਹਾਸ਼ੀਆ ਸਾਦਾ, ਬਿਨਾਂ ਲਕੀਰਾਂ ਦੇ; ਅੰਤਲੇ ਪੱਤਰੇ ਗੁੰਮ ਹਨ, ਜਿਸ ਕਰਕੇ ਪੁਸਤਕ ਅਧੂਰੀ ਹੈ ਤੇ ਮੁੱਢ ਵਿਚ ਪੁਸਤਕ ਦਾ ਨਾਮ ਦਰਜ ਨਹੀਂ, ਕਾਗ਼ਜ਼ ਪੁਰਾਣਾ ਹੋਣ ਕਰਕੇ ਪੱਤਰੇ ਫਟੇ ਹੋਏ ਤੇ ਨੁਕਰਾਂ ਤੋਂ ਭਰੇ ਹੋਏ ਹਨ।
ਸਮਾਂ : ੧੯ਵੀਂ ਸਦੀ ਬਿ.।
(ੳ) ਸਿੰਘਾਂ ਦੀ ਵਾਰ (ਫ਼ਾਰਸੀ ਅੱਖਰ)
ਆਰੰਭ : (ਅਰਬੀ ਕਲਮੇਂ ਤੋਂ ਬਾਦ)
ਅਵਲ ਹਮਦ ਖੁਦਾਵੰਦ ਤਾਈਂ। ਸਭ ਪੈਦਾਇਸ਼ ਦਾ ਹੈ ਸਾਈਂ। (ਪੱਤਰਾ ੧)
ਅੰਤ :ਅੰਤਲੇ ਪੱਤਰੇ ਗੁੰਮ ਹਨ ਜਿਸ ਕਰਕੇ ਪਾਠ ਨਹੀਂ ਮਿਲਦਾ।
ਇਸ ਹੱਥ-ਲਿਖਤ ਵਿਚ ਮਹਾਰਾਜਾ ਰਣਜੀਤ ਸਿੰਘ, (ਨੋ) ਨਿਹਾਲ ਸਿੰਘ ਆਦਿ ਦਾ ਹਾਲ ਦੇ ਕੇ ਫੇਰ ਅੰਗਰੇਜ਼ਾਂ ਦੇ ਪੰਜਾਬ ਤੇ ਕਬਜ਼ਾ ਜਮਾਣ ਦਾ ਜ਼ਿਕਰ ਹੈ।
(ਅ) ਸ੍ਰੀ ਭਾਗਵਤ ਦਸਮ ਸਕੰਧ
ਲੇਖਕ : ਰਿਖੀ ਬਿਆਸ।
ਅਨੁਵਾਦ : ਕਵੀ ਕ੍ਰਿਸ਼ਨ ਦਾਸ।
ਵੇਰਵਾ : ਪੱਤਰੇ ੨੩੮
ਸਮਾਂ : ਸੰਮਤ 1907 ਬਿ.।
ਲਿਖਾਰੀ : ਬਾਵਾ ਰਣ ਸਿੰਘ।
ਆਰੰਭ : ੴ ਸ੍ਰੀ ਸਤਿਗੁਰ ਪ੍ਰਸਾਦਿ॥ ਓਅੰ ਸ੍ਰੀ ਗਣੇਸਾਇ ਨਮਹ॥ ਅਥ ਸ੍ਰੀ ਭਾਗਵਤ
ਦਸਮ ਸਕੰਧ ਲਿਖਤੇ। ਦੋ ਮਤਿ ਘਟ ਮਹਿ ਪਰਸਪਰ, ਬੋਲਤ ਏਕ ਸਮਾਨਿ॥......
ਅੰਤ : ਜਨਿ ਨਿਹਾਲ ਪਗ ਪਰਿ ਬਲਿਹਾਰ ॥ ੧੯੧॥
ਇਤਿ ਸ੍ਰੀ ਭਾਗਵਤੇ ਮਹਾਪੁਰਾਣੇ ਦਸਮਿ ਸਿਕੰਧੰ ਨਵਹਿ ਧਿਆਇ ਸੰਪੂਰਨੰ ਸਮਾਪਤ ਸੁਭਮਸਤੁ ॥੧॥ ਚੋਪਈ ਸਾਖੀਆਂ ੧੯੧॥ ਸੰਪੂਰਨ ਦਸਮ ਹੋਆ।... ਪੋਥੀ ਲਿਖੀ
ਬਾਵਾ ਰਣਿ ਸਿੰਘ ਨੇ…..ਸੰਮਤ 1917