ਹੱਥ ਲਿਖਤ ਨੰਬਰ 182

ਹੀਰ ਵਾਰੇ ਸ਼ਾਹ
ਲੇਖਕ : ਸੱਯਦ ਵਾਰਿਸ ਸ਼ਾਹ।
ਵੇਰਵਾ : ਪੱਤਰੇ ੨੦੬; ਪ੍ਰਤੀ ਸਫ਼ਾ ੧੦-੧੨ ਸ਼ਤਰਾਂ: ਕਾਗ਼ਜ਼ ਦੇਸੀ; ਲਿਖਤ ਸਾਫ਼ ਦੇ ਸ਼ੁੱਧ ਹਾਸ਼ੀਆ ਰੰਗੀਨ ਲਕੀਰਾਂ ਵਾਲਾ ਮੁਢੱਲੇ ਸਫ਼ੇ ਤੇ ਚੋਕੋਰ ਦੁਹਰੀਆਂ ਤੀਹਰੀਆਂ ਰੰਗੀਨ ਲਕੀਰਾਂ; ਸਿਰਲੇਖ ਤੇ ਛੰਦ-ਅੰਕ ਲਾਲ ਸਿਆਹੀ ਨਾਲ ਲਿਖੇ ਹੋਏ; ਕੁਝ ਪੱਤਰੇ ਕਿਰਮ ਖੁਰਦਾ ਤੇ ਸਿਰੇ ਭੂਰੇ ਹੋਏ; ਪੁਸਤਕ ਸਜਿਲਦ।
ਸਮਾਂ : ਚੇਤ ੧੪, ਸੰਮਤ ੧੮੮੪ ਬਿ.।
ਲਿਖਾਰੀ : ਸ਼ਰਧਾ ਸਿੰਘ।
ਸਥਾਨ : ਨਾਮਾਲੂਮ ।
ਆਰੰਭ : ੴ ਸਤਿਗੁਰ ਪ੍ਰਸਾਦਿ। ਹੀਰ ਵਾਰੇ ਸਾਹ ਕੀ ਲਿਖਯਤੇ।
ਅਲਫ ਇਸ਼ਕ ਦੇ ਕੰਮ ਨੂੰ ਹੱਥ ਲਾਈਏ......।
ਅੰਤ : ਵਾਰੇ ਸ਼ਾਹ ਮੀਆਂ ਬੇੜੇ ਪਾਰ ਤਿਨ੍ਹਾਂ,
ਜਿਨ੍ਹਾਂ ਰੱਬ ਦਾ ਨਾਉਂ ਧਿਆਇਆ ਈ॥ ੫੫੫॥
ਵਾਰੇ ਸ਼ਾਹ ਦੀ ਹੀਰ ਸੰਪੂਰਨੰ । ੧੮੮੪ ਸੰਮਤ। ਚੇਤ੍ਰ ਚੌਦਸ ਨੂੰ ਲਿਖੀ ਹੋਰ ਗੁਰੂ
ਰਾਜੀ ਰਖੈ ॥੧॥ ਲੇਖਕ ਸ਼ਰਧਾ ਸਿੰਘ।
ਹੀਰ ਦੇ ਇਸ ਨੁਸਖ਼ੇ ਵਿਚ ਹੋਰ ਕਿੱਸਿਆਂ ਨਾਲੋਂ ਕਾਫ਼ੀ ਪਾਠ-ਭੇਦ ਹਨ ਤੇ ਵਿਸ਼ੈ-ਕ੍ਰਮ ਦਾ ਵੀ ਕੁਝ ਭੇਦ ਹੈ।