ਹੱਥ ਲਿਖਤ ਨੰਬਰ 123

੧. ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ
ਲੇਖਕ : ਸ੍ਰੀ ਗੁਰੂ ਨਾਨਕ ਦੇਵ ਜੀ ਆਦਿ।
ਸੰਪਾਦਕ : ਸ਼੍ਰੀ ਗੁਰੂ ਅਰਜਨ ਦੇਵ ਜੀ।
ਵੇਰਵਾ : ਪੱਤਰੇ (ਤਤਕਰੇ ਦੇ) 24, ਬਾਣੀ ਤੇ ੬੫੦; ਕਾਗ਼ਜ਼ ਕਸ਼ਮੀਰੀ (ਘੋਟਿਆ ਹੋਇਆ); ਲਿਖਤ ਸਾਫ਼ ਤੇ ਸ਼ੁੱਧ; ਕਿਤੇ ਕਿਤੇ ਅਸ਼ੁੱਧੀਆਂ ਵੀ ਹਨ, ਜੋ ਹੜਤਾਲ ਫੇਰ ਕੇ ਸੋਧੀਆਂ ਹੋਈਆਂ ਹਨ; ਹਾਸ਼ੀਆ ਰੰਗੀਨ ਲਕੀਰਾਂ ਵਾਲਾ।
ਸਮਾਂ : ੧੮ਵੀਂ ਸਦੀ ਬਿ.।
ਲਿਖਾਰੀ : ਨਾਮਾਲੂਮ।
ਆਰੰਭ : (ਪਹਿਲਾ 24 ਪੱਤਰਿਆਂ ਤੇ ਤਤਕਰਾ ਹੈ ਤੇ ਫੇਰ ਬਾਣੀ ਹੈ ਤੇ ਫੇਰ ਬਾਣੀ ਸ਼ੁਰੂ ਹੁੰਦੀ ਹੈ) ੴ ਸਤਿਨਾਮੁ ਕਰਤਾ ਪੁਰਖ ਨਿਰਭਉ ਨਿਰਵੈਰੁ ਅਕਾਲ ਮੂਰਤਿ ਅਜੂਨੀ ਸੈਭੰ
ਗੁਰਪ੍ਰਸਾਦਿ॥ ਜਪੁ ਆਦਿ ਸਚੁ, ਜੁਗਾਦਿ ਸਚੁ॥ ਹੈ ਭੀ ਸਚੁ ਨਾਨਕ ਹੋਸੀ ਭੀ ਸਚੁ ॥੧॥
ਅੰਤ : ਖਸਟ ਰਾਗ ਉਨਿ ਗਾਏ, ਸੰਗਿ ਰਾਗਨੀ ਤੀਸ।
ਸਭੈ ਪ੍ਰਤੁ ਰਾਗਨ ਕੇ, ਅਠਾਰਹ ਦਸ ਬੀਸ॥੧॥੬॥
ਇਸ ਹੱਥ-ਲਿਖਤ ਵਿਚ ਰਾਗਾਂ ਤੇ ਪ੍ਰਮੁਖ ਬਾਣੀਆਂ ਦੀ ਤਰਤੀਬ ਆਮ ਪ੍ਰਚਲਿਤ ਬੀੜਾ ਦੇ ਅਨੁਸਾਰ ਹੈ, ਜੋ ਜਪੁ ਨੀਸਾਣੁ ਤੋਂ ਸ਼ੁਰੂ ਹੋ ਕੇ ਰਾਗ ਮਾਲਾ ਪਰ ਸਮਾਪਤ ਹੁੰਦੀਆਂ ਹਨ।